Dreintse middag 14 oktober 2018

DREINTSE MIDDAG  ien Aansen

Op zundag  14 oktober is ien dorpshuus Bastogne ien Aansen een Dreintse middag mit muziek van de ‘Heeren van Oud-Zuid’.

De ‘Heeren van Oud Zuid’ koomt uut Assen. Het bint Luc Oostra (zang/ gitaar), Cor Tubben (elekrische gitaar) en Jan Kuipers (piano/ accordeon).

Heur muziek is een mengeling van pop, blues en chanson mit klassieke invloeden. Ze gebruukt eigen teksten en hebt ook wark van Dreintse schrievers op muziek ezet. De teksten gaot over het leven, de liefde en ook over voetbal. Ze hebt ook nummers van C& B op eigen wieze bewarkt.

Veur alleman die daor aordigheid an hef gao wij eerst een endtie lopen deur oonze prachtige omgeving. De wandeling begunt um 13.00 uur.

De ‘Heeren Oud-Zuid’ begunt um 15.00 uur te speulen.

Nao ofloop kan alleman genieten van een heerlijke Dreintse maoltied die emaakt is deur de Vrouwen van Nu uut Aansen.

Ie mut oe niet vergeten op te geven. Det kan veur 7 oktober deur te bellen met nummer 06-33895113. Gauw wezen want vol = vol!

De entree is € 10,= zonder maoltied en € 12,50 mit maoltied.

Dit muziek- wandel- en en eetgebeuren wordt organiseerd deur dorpshuus Bastogne ien samenwarking mit de Vrouwen van Nu.